Бир аёл қўшнисиникига элакка чиқибди

Бир аёл қўшнисиникига элакка чиқибди. Қўшниси ҳомиладор экан. Аёл қўшнисига дебди:

— Вой қўшни, бир дугонам ҳомиладорлигида “Тоҳир ва Зуҳра” китобига бошқоронғи бўлган экан эгизак туғибди. Яна-чи, аммамни келини “Уч оғайни ботирлар” китобини ўқиб, уч эгизак туғибди – деса қўшнисининг ранги оқариб кетаётган эмиш.

— Вой, сизга нима бўляпти – деса, ҳомиладор қўшниси:

— Мен Алибобо ва қирқ қароқчи китобини ўқиётган эдим – дермиш.